Онлайн платформаи таълимии donish.mewr.tj

Вазорати энергетика ва захираҳои оби Ҷумҳурии Тоҷикистон онлайн-платформаи таълимии donish.mewr.tj — василаи муосири таълими фосилавӣ дар соҳаи захираҳои об ва гидроэнергетикаро ба кор андохтааст. Платформа дастрасӣ ба 8 модули махсуси таҳияшуда, ки ҷанбаҳои калидии идоракунии об, ҳуқуқ, мутобиқшавӣ ба иқлим ва кишоварзии устуворро дар бар мегирад, фароҳам меорад.

Мақсади платформа
Таъсиси курсҳои онлайнӣ ба баланд бардоштани иқтидори касбии мутахассисони соҳаи идоракунии захираҳои об ва соҳаҳои марбута, таҳкими ҳамкориҳои минтақавӣ, рушди дипломатияи об ва ҷорӣ намудани равишҳои муосир ба идоракунии устувори захираҳои табиӣ нигаронида шудааст.

Ҳар як курс чиро дар бар мегирад
• Барномаи таълимии сохторӣ (силлабус);
• Воситаҳои муфассали таълимӣ ва курси лексияҳо;
• Презентатсияҳо, маводҳои графикӣ ва захираҳои иловагӣ;
• Имконияти таълим дар формати қулайи онлайн.

Модулҳои дастрас:
1. Идоракунии ҳамгироёнаи захираҳои об
2. Ҳуқуқи байналмилалӣ ва миллӣ оид ба об
3. Ҳамкории минтақавии об дар дарёҳои фаромарзӣ ва дипломатияи об
4. Мутобиқшавӣ ба тағйирёбии иқлим ва идоракунии захираҳои об
5. Равиши Nexus: Об, Энергетика, Озуқаворӣ ва Амнияти экологӣ
6. Такмили зироаткории обёришаванда
7. Тақсимоти захираҳои об ва моделсозии гидрологӣ
8. Бехатарии иншоотҳои гидротехникӣ

Ҳама мутахассисон ва донишҷӯёни ҳавасманд метавонанд дар як ё якчанд курсҳо сабти ном шуда, дар вақти муносиб омӯзиш гузаронанд ва донишҳои арзишмандеро, ки ҷавобгӯи чолишҳои муосир ва афзалиятҳои рушди устувор дар минтақа мебошанд, гиранд.

👉 Ба платформаи donish.mewr.tj ворид шавед ва аз имрӯз ба омӯзиш шурӯъ кунед!